保暖大法一：多層著衫法
細細個成日聽屋企人話著多件衫，其實呢個講法係啱㗎，著多件衫比起著一件大褸更加保暖！而且去到唔同地方，都可以根據當時嘅體溫除低件面衫啦！
保暖大法二：注意頭部保暖
平日大家都比較容易忽略頭部嘅保暖。當頭部受寒嘅時候，寒意就會透過頭皮上大量嘅血管，傳送到身體各個部位㗎! 所以出街不妨帶埋冷帽或者頸巾，咁保暖效果就可以加倍！
保暖大法三：暖包要貼啱位置
好多人都會喺冬天嘅時候貼暖包，但貼喺邊個位置先最有效呢？首選一定係腰部，貼腰部係最有效促進血液循環！當血液流通，手腳都會開始變暖。另外都可以選擇貼喺肩胛骨之間，對緩和頸肩酸痛同頭痛都好有幫助㗎！
保暖大法四：選用優質嘅補充品
外在保暖固然重要，但其實最重要係內在調理！要令身體由內至外溫暖，一定要做好補身！平時可以選擇高質素嘅補充品，例如虱目魚精。佢含有豐富嘅優質蛋白同礦物質，為你提供每日所需嘅營養。另外豐富嘅維他命C有效提升免疫力，抵抗力強啲就唔怕冬天容易攝親喇！
