1. 盡早話比佢知：懷孕初期我經常好攰，無乜精神同魚寶玩，可能佢會以為我唔錫佢、唔愛佢，都啲唔開心！所以我一定要比佢知道媽媽肚裡面多咗個小生命，需要多啲休息！呢個概念可能佢哋未必即刻明，但要表達出嚟依然咁愛佢！
2. 比佢哋有多啲互動：我經常比魚寶摸我個肚，鼓勵佢對住細佬妹傾計，咁做可以令佢感覺到細佬妹住喺媽媽肚裡面，比佢期待吓將來見面嘅一刻！
3. 比機會佢參與細佬妹嘅一切：我同魚生喺預備BB用品時都會帶埋魚寶去買，預先比佢知呢啲物品係咩同點樣用之外，仲要比佢去揀，一嚟可以比魚寶覺得成件事好有趣，二嚟就算我哋去邊都會帶著佢，令佢有安全感～
4. 強調細佬妹好處：一定要話比魚寶知多咗細佬妹對佢有咩好，例如：多咗個人陪佢玩、可以教細佬妹做好多嘢，例如玩玩具同唱歌等等，過程一定會好開心！
